Calendario Actuacións

Novembro 2018 Decembro 2018 Xaneiro 2019
Mo Tu We Th Fr Sa Su
Week 49 1 2
Week 50 3 4 5 6 7 8 9
Week 51 10 11 12 13 14 15 16
Week 52 17 18 19 20 21 22 23
Week 1 24 25 26 27 28 29 30
Week 54 31

Colaboran

 

 

Síguenos en

NOVAS
Mércores, 14 Xuño 2017 20:30

CONCERTO - PRESENTACIÓN DO DISCO "AIRES DE PONTEVEDRA"

Óscar Ibáñez

Disco Aires de Pontevedra

O mércores 14 de xuño, ás 20:30 horas, Óscar Ibáñez vai levar a cabo un Concerto - Presentación do seu último traballo discográfico, "Aires de Pontevedra. Homenaxe a Ricardo Portela", no que tocará a gaita propiedade de Ricardo Portela, coa que o gaiteiro de Viascón gravou os seus discos.

Mércores 14 de xuño, 20:30 horas, no nóso local na Rúa Magdalena, 220, Ferrol.

 

 

ENTRADA GRATUITA!!!

 

 

 


 

 
Domingo, 14 Maio 2017 11:30

 

Asamblea Xeral Ordinaria do Real Coro "Toxos e Froles"


 

 

O REAL CORO "TOXOS E FROLES" convoca aos seus socios e socias á

ASAMBLEA XERAL ORDINARIA

DOMINGO 14 DE MAIO DE 2017

11:30 horas en 1ª Convocatoria, e 12:00 horas en 2ª Convocatoria

 

Lugar: 1º andar do Local Social da rúa Magdalena, 220, Ferrol

 

Orde do día:

  • Lectura e aprobación da acta anterior
  • Informe de Presidencia
  • Aprobación balance económico 2016
  • Aprobación orzamento 2017
  • Aprobación da concesión de Honras e Distincións 2017
  • Rogos e preguntas

 

 


 

 
Venres, 23 Decembro 2016 20:30

Copa Nadal 2016

 

O Real Coro "Toxos e Froles" convida a tódolos seus socios e socias, coristas, instrumentistas, bailadores, membros das escolas, a unha copa de cava o venres 23 de decembro, ás 20:30 horas, no seu local social, na Rúa Magdalena. Haberá sorteos entre os socios e socias presentes!!!

Un ano máis, moitas grazas!!!

 
Domingo, 02 Abril 2017 10:00

OBRADOIRO DE MÚSICA TRADICIONAL: SUSO VAAMONDE

"Técnicas de acompañamento con pandeireta"

 

 

Un ano máis botamos a andar o programa "Xornadas de Cultra Aberta", organizado polo Real Coro Toxos e Froles, e no que colabora a Concellería de Cultura de Ferrol. O obxectivo do mesmo é achegar á xente a nosa cultura, en calquera das súas manifestacións.

A primeira actividade vaise desenrolar o Domingo 2 de Abril. Suso Vaamonde Manteiga vai impartir un obradoiro de pandeireta, no cal amosará e explicará o papel que xoga este instrumento no acompañamento das distintas formacións musicais que se poden atopar na nosa música tradicional (cantareiras, cuartetos, bandas de gaitas,...).

O horario será de 10:00 a 14:00 e de 17:00 a 21:00 horas. A inscrición é gratuita. Por motivos organizativos e funcionamento do curso, se establece un máximo de 20 alumnos.

Se estás interesados en participar neste Obradoiro, contacta con nós no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , ou no teléfono 650 788 374.

 

CONTIDOS DO OBRADOIRO

  • O instrumento. Morfoloxía. Historia da pandeireta. O instrumento hoxe. Construcción. Tamaños.
  • Manipulación do instrumento. Coller o instrumento. Os movementos da pandeireta. Diferentes tipos de toques e a súa correcta execución: puño, man aberta, golpes no aro, tipos de riscados, tocar nas ferreñas, "riscar" fóra do parche, facer mordentes,....
  • Funcións da pandeireta. Acompañar a voz. Acompañar un instrumento melódico distinto da gaita (violino, zanfona, ...). Acompañar a gaita.
  • O estilo actual da pandeireta. Os grupos de pandereteiras. Os cuartetos. Sincronización con outras seccións de percusión: tambores, bombos,... As "bandas de gaitas".
  • Recursos da pandeireta para acompañar un instrumento melódico. Por imitación. Por oposición. O silencio. A dinámica.

Proposta didáctica para unha representación gráfico-musical dos toques da pandeireta galega do hoxe: simbología xustificada.

Os alumnos terán a posibilidade de tocar con dez pandeiretas diferentes (tamaño, construcción, artesáns,...).

Durante o curso aprenderase a tocar melodías con estas técnicas, sobre música gravada, e a ler partituras para pandeireta.

 

Real Coro Toxos e Froles: 102 anos traballando a prol da cultura galega dende Ferrol

 


 

 
Venres, 28 Outubro 2016 17:00

TOXOS, FERROL E AS IRMANDADES DA FALA

Congreso extraordinario Terra de Trasancos


O Concello de Ferrol, o Real Coro "Toxos e Froles" e a Real Academia Galega, organizan o Congreso Extraordinario "Terra de Trasancos", os días 28 e 29 de outubro, baixo o título "Toxos, Ferrol e as Irmandades da Fala".

 

Neste ano 2016, no que se celebra o 100 aniversario da creación das Irmandades da Fala, o Real Coro Toxos e Froles leva adiante esta iniciativa na que busca salientar tanto o papel xogado pola nosa Entidade, coma a doutros persoeiros ferroláns, na difusión do ideario irmandiño.

 

O programa do Congreso está conformado por mesas redondas, charlas e tamén aportacións de investigadores que queiran achegar os seus traballos a través de comunicacións, seguindo as bases do programa.

 

Para calquera aclaración podedes contactar con nós en Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , ou no teléfono 650 788 374.

 

Ide reservando as datas, que cremos que son importantes para entender a historia da nosa cidade, Ferrol, e de Galiza.

 

COMUNICACIÓNS

INFORMACIÓN PARA ESTUDIANTES

 

Descarga o folleto do Congreso aquí

 

Toxos e Froles: máis de 100 anos traballando a prol da cultura galega

 

 

 


 

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 3 de 20