Calendario Actuacións

Abril 2018 Maio 2018 Xuño 2018
Mo Tu We Th Fr Sa Su
Week 19 1 2 3 4 5 6
Week 20 7 8 9 10 11 12 13
Week 21 14 15 16 17 18 19 20
Week 22 21 22 23 24 25 26 27
Week 23 28 29 30 31

Colaboran

 

 

Síguenos en

NOVAS
Sábado, 26 Maio 2018 20:30

FESTIVAL 103 ANIVERSARIO

 

Sábado 26 de Maio, 20:30 · Teatro Jofre · Ferrol

 

Festival de música, canto e baile tradicional galego, no que celebraremos os nosos 103 anos de vida e traballo en prol da cultura galega.

A entrada é gratuita; podedes recoller as invitacións na taquilla do Teatro Jofre a partir do martes 22 de maio.

Agardamos por vós!!!

 

Cartaz 103 Aniversario
 
Martes, 24 Abril 2018 20:00

PRESENTACIÓN DOS FONDOS DIXITALIZADOS DO REAL CORO "TOXOS E FROLES"

 

Martes 24 de abril de 2018, 20:00. 1º andar do Local Social · Ferrol

 

O Real Coro "Toxos e Froles" convídavos á presentación dos fondos do arquivo que foron dixitalizados nas últimas datas.

Trátase dunha iniciativa para conservar parte do patrimonio desta colectividade, a decana dos Coros Galegos, que xuntamente coa empresa Unayta e có patrocinio da Deputación de A Coruña, busca salvar e resgardar unha parte imprescindible para entender a música galega e ferrolá.

Presentacion dos fondos dixitalizados
 
Mércores, 20 Decembro 2017 18:00

Boas festas!!!

 

Este venres 22 de Decembro será a copa de Nadal. Entre tódolos socios asistentes sortearemos dúas cestas de Nadal.

Agardamos por vós!!!

Nadal 2017

 
Sábado, 28 Abril 2018 19:00

Convocatoria Asamblea Xeral Ordinaria

 

Sábado 28 de abril de 2018

19:00 en 1ª Convocatoria, 19:30 en 2ª Convocatoria

____________________________________

Convocatoria Asamblea Xeral 2018

 
Sábado, 28 Outubro 2017 18:00

IX CONGRESO DE MÚSICA TRADICIONAL

O Real Coro Toxos e Froles organiza, coa colaboración da Concellería de Cultura do Concello de Ferrol, o IX Congreso de Música Tradicional "Terra de Trasancos".

Trátase dun espacio de diálogo no que se pretenden amosar aspectos menos coñecidas da tradición cultural galega, que neste ano 2017 teñen tres puntos principais: o pito pastoril galego, o baile popular e os cantos de cego.

 

Cartaz IX Congreso de Música Tradicional

IX Congreso: Efraím Díaz

IX Congreso: Miguel Mosquera

Efraím Díaz e Miguel Mosquera

IX Congreso: Luis Prego

Luis Prego é un dos máis afamados recompiladores e estudosos do folclore tradicional galego. Autor de "Para cantar e bailar", Ed. do Cumio, 2008 e "Xogos musicais" Ed. do Cumio, 2013. Comezou a súa andaina no mundo da danza en 1975 na escola de Lembranz as Galegas. Mestre de baile e música tradicional dende 1989. Foi director dos grupos O Fiadeiro e A Buxaina de Vigo, e do grupo Brincadeira de Santiago de Compostela. Na actualidade é director do Orfeón Mariñeiro do Berbés. Membro do grupo de música folk Ardentía, co cal ten publicados cinco traballos discográficos. É tamén xestor da páxina de Facebook “Música e baile de Galiza”.

IX  Congreso: Pancho Álvarez

E o encargado de pechar o IX Congreso de Música Tradicional Terra de Trasancos será un dos músicos galegos con maior proxección internacional: Pancho Álvarez.
Pancho Álvarez nace no Porriño e comeza a tocar a guitarra aos 10 anos. Estudia solfexo e violino no conservatorio de Vigo ao tempo que empeza a tocar no grupo "Na Lúa", no que permañecerá 15 anos. Con "Na Lúa" vai realizar as súas primeiras xiras pola Península, Sudamérica, Europa, ... Entre os anos 1985-1997 van gravar 6 discos.
A principios dos anos noventa forma parte do grupo "Matto Congrio" co que realiza concertos e a gravación dun disco co mesmo nome.
Nesta época tamén forma parte do Grupo "Tres" co que fai o disco "Paraíso de Leonor".

Mais será a partir do ano 1995 onde comeza a súa andaina co gaiteiro CARLOS NUÑEZ, facendo concertos por América, Europa, Asia e Australia pasando polos escenarios máis
emblemáticos do mundo como o Carnegie Hall, Ópera de Sidney...
Participa nos seus discos A IRMANDADE DAS ESTRELAS – 1997, AMORES LIBRES – 1999, MAIO LONGO – 2000, ALMAS DE FISTERRA – 2003, CARLOS NUÑEZ E AMIGOS (DVD en directo) -2004, CINEMA DO MAR – 2006, ALBORADA DO BRASIL - 2009.

Tamén grava na banda sonora da película de ALEJANDRO AMENÁBAR “MAR ADENTRO”.

Forma parte do show de THE CHIEFTAINS entre 1997 e 2005 facendo máis de 100 concertos por toda Norteamérica, Europa e Xapón. Con esta banda grava nos discos “SANTIAGO” -1996, premiado cun Grammy, e participa no “LIVE FROM DUBLIN A TRIBUTE TO DEREK BELL” – 2004, no “SAN PATRICIO” – 2010 e no “VOICE OF AGES” -2011.

En solitario produce e grava cinco discos:- FLORENCIO, O CEGO DOS VILARES – 1998 (Premio mellor disco folc europeo 1998 pola revista FOLK WORLD).
- NAS CORDAS – 2001
- SÓLIDOS GALICIANOS – 2009
- SONCHE ATLÁNTICO – 2012
- CELTIS AUSTRALIS-2017
Participa nos discos colectivos CANTIGAS DE NADAL-1998 e MAREA DE MÚSICA-2004.


 

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 1 de 20